Глубокое аудандық мәслихатының кезектен тыс он алтыншы сессиясының отырысы өтті. Бұл туралы Шығыс Қазақстан облыстық мәслихаттың ресми сайты хабарлады.
Сессия жұмысына 11 депутат, Глубокое ауданының әкімі Эльдар Лукбекович Тумашинов, Глубокое ауданы әкімінің орынбасарлары: Литвиненко Евгения Николаевна, Елена Васильевна Старенкова, Глубокое ауданының мемлекеттік кірістер жөніндегі басқарма басшысының орынбасары Шаяхметов Дамир Сержанұлы, кенттер мен ауылдық округтердің әкімдері, ауданның басқармалары мен дербес бөлімдерінің басшылары, БАҚ өкілдері қатысты.
Сессияда келесі мәселелер қаралды:
1. Глубокое аудандық мәслихатының 2023 жылғы 22 желтоқсандағы № 8/2-VIII «Глубокое ауданының 2024-2026 жылдарға аудан бюджеті туралы» шешіміне өзгерістер енгізу туралы.
2. Глубокое аудандық мәслихатының 2021 жылғы 19 наурыздағы № 3/14-VII «Глубокое ауданында кәмелетке толмағандар істері және олардың құқықтарын қорғау жөніндегі комиссияның жеке құрамын бекіту туралы» шешіміне өзгеріс енгізу туралы.
Аудан әкімінің орынбасары Евгения Николаевна Литвиненко 2024 жылға арналған аудан бюджетіне енгізілген өзгерістер туралы айтып берді. Глубокое ауданында кәмелетке толмағандардың істері және олардың құқықтарын қорғау жөніндегі комиссияның жеке құрамы бекітілді. Талқылаудан кейін шешімдер бірауыздан қабылданды.
